عبدالله بن عبدالرحمن بن زبير کان روايت آهي ته امام حسن عليه السلام نبي ڪريم صلى الله عليه و آله وسلم جن جي خاندان ۾ سڀني کان وڌيڪ پاڻ سڳورن صلى الله عليه و آله وسلم جي همشڪل هئا ۽ پاڻ سڳورا صلى الله عليه و آله وسلم ، امام حسن مجتبى عليه السلام سان سڀني کان وڌيڪ محبت ڪندا هئا . راوي جو چوڻ آهي مون ڏٺو ته رسول خدا صلى الله عليه و آله وسلم جن سجدي ۾ هئا ته امام حسن عليه السلام پاڻ سڳورن صلى الله عليه و آله وسلم جي ڪلهي مبارڪ يا پٺن تي سوار ٿيا ۽ پاڻ سڳورن صلى الله عليه و آله وسلم تيستائين امام حسن عليه السلام کي پنهنجي پٺن تان نه لاٿو جيستائين امام حسن عليه السلام پاڻ نه لٿا ۽ مون اهو به ڏٺو ته جڏهن پاڻ سڳورن صلى الله عليه و آله وسلم رڪوع ڪندا هئا ته پنهنجن پيرن مبارڪن کي ايترو کولي رکندا هئا جو امام حسن عليه السلام هڪ طرف کان ٻئي طرف وڃي سگهن
No comments:
Post a Comment